SAMSTARF ÍSÍ, UMFÍ OG MRN

SVÆÐISTÖÐVAR ÍÞRÓTTAHÉRAÐA

ÍSÍ og UMFÍ hafa komið á fót átta svæðisstöðvum með stuðningi frá mennta- og barnamálaráðuneytinu. Samtökin hafa undirritað samning um eflingu íþróttastarfs á landsvísu með stofnun svæðisstöðva og Hvatasjóðs.

Svæðisstöðvunum er ætlað að styðja við íþróttahéruð landsins við innleiðingu á stefnu íþróttahreyfingarinnar og ríkisins í íþróttamálum. Jafnframt er markmiðið að auka þátttöku barna og ungmenna í íþróttastarfi með sérstakri áherslu á þátttöku fatlaðra barna, barna af tekjulægri heimilum og barna með fjölbreyttan tungumála- og menningarbakgrunn.

Tillögur um stofnun svæðisstöðvanna voru samþykktar á þingi ÍSÍ vorið 2023 og á þingi UMFÍ haustið 2023.

MARKMIÐ SVÆÐISSTÖÐVA

Hlutverk svæðisstöðva er að þjónusta íþróttahéruðin í nærumhverfi sínu með samræmdum hætti. Horft er til þess að sterkari íþróttahéruð og svæðisstöðvar um allt land auki skilvirkni innan íþróttahreyfingarinnar og geri þeim kleift að takast á við núverandi og fyrirséð verkefni. Styrkja stefnumótandi vinnu og aðgerðir á landsvísu og stuðla þannig að farsæld barna og annarra sem nýta þjónustu hreyfingarinnar. 

Um markmið svæðisstöðva:

• að vinna með íþróttahéruðum að eflingu íþróttastarfs um allt land.
• að vinna að innleiðingu á stefnu og markmiðum íþróttahreyfingarinnar.
• að vinna að innleiðingu á stefnu og markmiðum stjórnvalda í íþróttamálum.
• auka þátttöku barna og ungmenna í íþróttum og sérstaklega; fatlaðra barna, barna af tekjulægri heimilum og barna með fjölbreyttan tungumála- og menningarbakgrunn.

Allt sem þú þarft fyrir íþróttastarf á einum stað!

SVÆÐISSTÖÐVAR

Upplýsingar um tengiliði og tölfræði á þínu svæði.

VERKFÆRAKISTA

Leiðbeiningar, skjöl og hagnýt verkfæri fyrir daglegt starf.

VERKEFNI

Upplýsingar um samstarfsverkefni ÍSÍ, UMFÍ og annarra.

HVATASJÓÐUR

Styrkir og tækifæri til að efla starfsemi hreyfingarinnar.

UMFANG ÍÞRÓTTA- OG UNGMENNAFÉLAGSHREYFINGARINNAR