ÍSÍ og UMFÍ

Konur í íþróttum

Alþjóðlegur baráttudagur kvenna er haldinn 8. mars ár hver. Í tilefni dagsins hafa ÍSÍ og UMFÍ staðið fyrir viðburðum síðustu þrjú ár til þess að lyfta upp konum á öllum aldri innan íþrótta- og ungmennafélagshreyfingarinnar.

Konur í íþróttum er fræðsluþáttaröð um og fyrir íþróttakonur og er samstarfsverkefni Háskólans í Reykjavík, KSÍ, UMFÍ og ÍSÍ. Verkefnið miðar að því að efla þekkingu á sértækum þáttum sem snerta íþróttakonur, með það að markmiði að bæta frammistöðu, draga úr meiðslum og styðja við heilsu og velsæld þeirra á öllum aldri. 

Konur í íþróttum 2026

Verkefnið byggir á fjölbreyttu fræðsluefni, meðal annars stuttum myndböndum og lengri fyrirlestrum sem byggja á nýjustu vísindalegu þekkingu. Efnið er ætlað bæði ungum íþróttakonum og þeim sem styðja við þær, og tekur á lykilþáttum eins og hormóna- og kvenheilsu, tíðahring, álagi, meiðslum, andlegri heilsu og endurheimt.

Efnisflokkar myndbandanna eru:

• Hormóna- og kvenheilsa
• Tíðahringurinn
• Grindabotn
• Brjóstaheilsa
• Svefn og andleg heilsa
• Svefn
• Átraskanir
• Næring og líkamssamsetning

• Beinheilsa
• Álag og meiðsli
• Álag
• Heilahristingur
• Öndun
• Meðganga og endurkoma eftir fæðingu
• Varðveisla á frjósemi

Ráðstefnan Konur í íþróttum – hvað segja vísindin? fór fram í mars 2025 í Háskólanum í Reykjavík. Viðfangsefni ráðstefnunnar var að varpa ljósi á stöðu og upplifun kvenna í íþróttum út frá nýjustu rannsóknum, þar sem ungir vísindamenn kynntu niðurstöður um meðal annars áhrif heilahristings, hormóna, kynþroskaskeiðs og álags á frammistöðu, heilsu og þátttöku íþróttakvenna. Sérstök áhersla var lögð á að auka þekkingu þjálfara, stjórnenda og iðkenda á þeim þáttum sem skipta máli til að styðja betur við konur í íþróttum og efla þátttöku þeirra og velferð.

Hvað segja vísindin? 2025

Efnistök ráðstefnunnar voru:

• Með frammistöðu og heilsu að leiðarljósi: Sérhæfð fræðsla fyrir og um konur.
  Lára Hafliðadóttir.
• Mælingar á líkamlegu atgervi yngri landsliða Íslands í boltagreinum: Framkvæmd og þróun.
  Hjalti Rúnar Oddsson.
• Heilahristingur meðal íslenskra íþróttakvenna. Algengi, geðheilbrigði, taugasálfræðilegar afleiðingar og hormónatruflanir.
  Dr. Lára Eggertsdóttir og De. Hafrún Kristjánsdóttir.
• Áhrif hormóna á  krossbandaslit: Hvað vitum við og hvað vitum við ekki?
  Sólveig Þórarinsdóttir.
• Kynferðisleg áreitni í íslenskum íþróttum: Algegni og tengsl við geðheilsu og svefnvanda.
  Dr. Hafrún Kristjánsdóttir.
• Skora - stúlkur, knattspyrna og rannsókn á atgervi.
  Dr. Rúna Sif Stefánsdóttir.
• Mikilvægi svefns fyrir hámarks frammistöðu kvenna í íþróttum.
  Katrín Ýr Friðgeirsdóttir.

Þann 8. mars 2024 stóðu ÍSÍ og UMFÍ fyrir ráðstefnunni Konur og íþróttir, forysta og framtíð. Á ráðstefnunni voru konur í fyrsta sæti. Konur í stjórnum félaga, konur í dómgæslu og konur í þjálfun. Rætt var um helstu áskoranir sem konur í íþróttum standa frammi fyrir og þau tækifæri sem þeim bjóðast. Rætt var um mikilvægi þess að konur séu áberandi í forystu í íþróttahreyfingunni. Átti það við um þátttöku í stjórnum íþróttafélaga, í ráðum og nefndum, dómgæslu eða þjálfun á afreksstigi.

Konur og íþróttir, forysta og framtíð 2024

Erindi ráðstefnunnar

Pallborðsumræða

Til viðbótar við erindi fór fram pallborðsumræða. Ragnhildur Skúladóttir, sviðsstjóri fræðslu- og almenningíþróttasviðs ÍSÍ leiddi umræðuna. Gestir voru þau: Sólveig Jónsdóttir, framkvæmdastjóri FSÍ, Hannes S. Jónsson, framkvæmdastjóri KKÍ, Guðmunda Ólafsdóttir, framkvæmdastjóri ÍA, Klara Bjartmarz, fyrrverandi framkvæmdastjóri KSÍ og Hulda Bjarnadóttir, formaður GSÍ.

Hægt er að horfa á pallborðið með því að smella HÉR.

Hægt er að horfa á alla ráðstefnuna með því að smella HÉR.