Komdu fram af virðingu  

• Komdu eins fram við alla óháð aldri, kyni, kynþætti, kynhneigð, fötlun, stjórnmálaskoðunum, uppruna, trúarbrögðum eða félagslegri stöðu.   
• Berðu virðingu fyrir skoðunum annarra.   

Vertu heiðarleg(ur)  

• Farðu eftir reglum íþróttahreyfingarinnar, haltu á lofti heiðarleika (fair play) og hvettu félagsmenn til að gera það líka. 
• Stuðlaðu að jákvæðu og íþróttalegu umhverfi sem er laust við vímuefni og árangursbætandi lyf.   
• Gættu fyllsta trúnaðar þar sem við á. 
• Taktu aldrei þátt í veðmálum, fjárhættuspilum eða viðskiptum í tengslum við íþróttaviðburði þar sem þú getur haft áhrif á úrslit. Veittu aldrei upplýsingar um íþróttir sem þú eða aðrir geta hagnast á. 
• Forðastu eða tilkynntu fjárhagslega og persónulega hagsmunaárekstra.  

Vertu félagsmönnum góð fyrirmynd    

• Vertu ávallt til fyrirmyndar varðandi hegðun og framkomu, bæði innan félags og utan. 
• Virtu lýðræðisreglur og gagnsæi við ákvarðanatöku og stjórnaðu samkvæmt reglum um ábyrga fjármálastjórn.  
• Vertu sanngjarn, tillitssamur og heiðarlegur. 
• Leggðu metnað í starfið og berðu ábyrgð á eigin hegðun. 
• Misnotaðu ekki stöðu þína og vald með kynferðislegum tilburðum eða öðrum hætti.  

Berðu virðingu fyrir starfsemi félagsin

• Þekktu lög og reglur félagsins. 
• Stattu vörð um anda og gildi félagsins. 
• Hafðu lýðræðisleg vinnubrögð í heiðri. 
• Sýndu íþróttum virðingu og virtu reglur þeirra, venjur og siði. 
• Sýndu öllum iðkendum, dómurum, sjálfboðaliðum, þjálfurum og starfsfólki virðingu og stuðlaðu að því að iðkendur og félagsmenn geri slíkt hið sama. 
• Þér ber skylda til að tilkynna til barnaverndaryfirvalda ef grunur leikur á að barn hafi verið vanrækt, því misþyrmt eða búi við aðstæður sem geta lagt heilsu þess og þroska í hættu. 

Hegðunarviðmið (pdf). 

Komdu fram af virðingu  

• Komdu eins fram við alla iðkendur óháð aldri, kyni, kynþætti, kynhneigð, fötlun, stjórnmálaskoðunum, uppruna, trúarbrögðum eða félagslegri stöðu.   
• Berðu virðingu fyrir einstaklingnum óháð getu eða metnaði til að ná árangri.
• Berðu virðingu fyrir mótherjum, foreldrum/forsjáraðilum, dómurum, sjálfboðaliðum, þjálfurum og öðru starfsfólki og stuðlaðu að því að iðkendur geri slíkt hið sama. 

Vertu heiðarleg(ur)  

• Farðu eftir reglum íþróttahreyfingarinnar, haltu á lofti heiðarleika (fair play) og hvettu félagsmenn til að gera það líka. 
• Stuðlaðu að jákvæðu og íþróttalegu umhverfi sem er laust við vímuefni og árangursbætandi lyf.   
• Gættu trúnaðar og sýndu aðgætni við meðferð og vörslu persónuupplýsinga. Undantekningu frá þagnarskyldu má einungis gera af brýnni nauðsyn og í samræmi við lagaboð.    
• Taktu aldrei þátt í veðmálum, fjárhættuspilum eða viðskiptum í tengslum við íþróttaviðburði þar sem þú getur haft áhrif á úrslit. Veittu aldrei upplýsingar um íþróttir sem þú eða aðrir geta hagnast á.

Vertu góð fyrirmynd bæði innan sem utan vallar 

• Allir iðkendur eiga skilið að fá athygli og jöfn tækifæri. 
• Leggðu þig fram þannig að iðkendur fái sem mest út úr æfingunni. 
• Vertu sanngjarn, tillitssamur og heiðarlegur. 
• Ýttu undir heilbrigðan lífsstíl með góðu fordæmi. 

Berðu virðingu fyrir þjálfarastarfinu 

• Gerðu kröfur til þín varðandi málfar, hegðun, stundvísi, undirbúning og kennslu/þjálfun.   
• Sýndu íþróttinni og félaginu virðingu og virtu reglur. 
• Leggðu metnað þinn í starfið og leitaðu leiða til að auka þekkingu þína. 
• Skipuleggðu starfið með tilliti til getu og þroska iðkenda. 
• Vertu óhræddur við að leita eftir samstarfi við aðra þjálfara eða sérfræðinga. 
• Taktu leiðtogahlutverk þitt alvarlega og nýttu stöðu þína á uppbyggilegan hátt.
• Haltu iðkendum og aðstandendum upplýstum um þjálfunina. 

Það sem er iðkandanum fyrir bestu 

• Vertu vakandi og beittu þér gegn öllu ofbeldi: líkamlegu, kynferðislegu og andlegu. 
• Misnotaðu ekki stöðu þína og vald með kynferðislegum tilburðum eða með öðrum hætti. 
• Forðastu líkamlega snertingu við iðkendur, nema þar sem hún er nauðsynlegur hluti þjálfunarinnar. 
• Þér ber skylda til að tilkynna til barnaverndaryfirvalda ef grunur leikur á að barn hafi verið vanrækt, því misþyrmt eða búi við aðstæður sem geta lagt heilsu þess og þroska í hættu. 

Ofbeldi er ekki liðið í íþróttahreyfingunni!

• Vertu vakandi og beittu þér gegn öllu ofbeldi: líkamlegu, kynferðislegu og andlegu. 
• Misnotaðu ekki stöðu þína og vald með kynferðislegum tilburðum eða með öðrum hætti. 
• Forðastu líkamlega snertingu við iðkendur, nema þar sem hún er nauðsynlegur hluti þjálfunarinnar. 
• Þér ber skylda til að tilkynna til barnaverndaryfirvalda ef grunur leikur á að barn hafi verið vanrækt, því misþyrmt eða búi við aðstæður sem geta lagt heilsu þess og þroska í hættu.

 

Hegðunarviðmið (pdf). 

Komdu fram af virðingu  

• Komdu eins fram við alla óháð aldri, kyni, kynþætti, kynhneigð, fötlun, stjórnmálaskoðunum, uppruna, trúarbrögðum eða félagslegri stöðu.  
• Berðu virðingu fyrir einstaklingum óháð getu eða metnaði til að ná árangri.   
• Sýndu íþróttinni virðingu og virtu reglur hennar, venjur og siði. 
• Berðu virðingu fyrir andstæðingum, dómurum, foreldrum/forsjáraðilum, sjálfboðaliðum, þjálfurum og öðru starfsfólki. 
• Leggðu þitt að mörkum til að skapa jákvætt andrúmsloft sem er laust við líkamlegt, andlegt og kynferðislegt ofbeldi.  

Vertu heiðarleg(ur)  

• Farðu eftir reglum íþróttarinnar og komdu fram af fullkomnum heilindum og háttvísi gagnvart sjálfum þér og öðrum.  
• Leggðu þitt að mörkum til að skapa jákvætt andrúmsloft og umhverfi sem er laust við vímuefni og árangursbætandi lyf.   
• Taktu aldrei þátt í veðmálum, fjárhættuspilum eða viðskiptum í tengslum við íþróttaviðburði þar sem þú getur haft áhrif á úrslit. Veittu aldrei upplýsingar um íþróttir sem þú eða aðrir geta hagnast á.

Vertu góð fyrirmynd bæði innan sem utan vallar 

• Berðu ábyrgð á eigin hegðun. 
• Gerðu þitt besta þannig að þú fáir sem mest út úr æfingunni. 
• Vertu sanngjarn, tillitssamur og heiðarlegur og hafðu það hugfast að þú ert fyrirmynd yngri iðkenda. 
• Tileinkaðu þér heilbrigðan lífsstíl. 
• Misnotaðu ekki stöðu þína og vald með kynferðislegum tilburðum eða með öðrum hætti.

Hegðunarviðmið (pdf). 

• Mundu að barnið þitt er í íþróttum sín vegna, en ekki þín vegna. 
• Hvettu barnið til þátttöku í íþróttum, en ekki þvinga það. 
• Hvettu öll börn, ekki bara þitt. 
• Sýndu jákvæðni, líka þegar á móti blæs. 
• Berðu virðingu fyrir öllum iðkendum, dómurum, sjálfboðaliðum, þjálfurum og öðru starfsfólki. 
• Berðu virðingu fyrir réttindum barna, hvert barn er einstakt. 
• Mundu að þjálfarinn þjálfar en foreldrar hvetja. 
• Upplýstu um stríðni, einelti eða áreitni. 
• Sýndu starfi félagsins virðingu og vertu virkur þátttakandi. 
• Misnotaðu ekki stöðu þína og vald með kynferðislegum tilburðum eða öðrum hætti.  
• Taktu aldrei þátt í veðmálum, fjárhættuspilum eða viðskiptum í tengslum við íþróttaviðburði þar sem þú getur haft áhrif á úrslit. Veittu aldrei upplýsingar um íþróttir sem þú eða aðrir geta hagnast á. 
• Þér ber að tilkynna til barnaverndaryfirvalda ef grunur leikur á að barn hafi verið vanrækt, því misþyrmt eða búi við aðstæður sem geta lagt heilsu þess og þroska í hættu.

Hegðunarviðmið (pdf).

 

Foreldrar skipta miklu máli í íþróttaiðkun barna sinna. Með hvatningu, jákvæðni og góðu fordæmi getið þið átt stóran þátt í að gera íþróttirnar að skemmtilegri og eftirminnilegri reynslu. Hér eru hagnýtar ábendingar um hvernig foreldrar geta stutt barnið sitt, sýnt þjálfurum, dómurum og öðrum iðkendum virðingu og stuðlað að jákvæðu umhverfi á æfingum og í keppni.

• Fylgstu með æfingum ef félagið heimilar það og/eða með keppnum þegar þú getur. Sýnir þú fyrirmyndarhegðun virkar nærvera þín hvetjandi fyrir barnið, líka þegar það eldist.

• Hrósið öllum iðkendum meðan á keppni stendur, ekki aðeins þínu barni. Gott er einnig að leggja áherslu á að hvetja liðið áfram, ekki eingöngu einstaklinga innan liðsins.
• Hvetjið börnin bæði þegar vel gengur og þegar á móti blæs, ekki gagnrýna.

• Berið virðingu fyrir störfum þjálfarans, ekki reyna að hafa áhrif á störf hans.

• Dómarar í yngri flokkum eru oft á tíðum að stíga sín fyrstu skref inni á vellinum eins og iðkendur og eru að dæma í sjálfboðavinnu. Hafðu hugfast að gefa þeim svigrúm til að sinna sínu hlutverki og forðastu að gagnrýna ákvarðanir þeirra. Hafið áhrif og hvetjið börnin til þátttöku, íþróttir eiga að vera skemmtilegar.

• Spyrjið hvort leikurinn/mótið eða æfingin hafi verið skemmtileg eða spennandi, úrslitin eru ekki alltaf aðalatriðið.

• Hvetjið barnið ykkar til að vera góður og hvetjandi liðsfélagi og að það sé með jákvæðni í fararbroddi á æfingum og í keppni.

• Sýnið starfi félagsins virðingu. Verið virk á foreldrafundum þar sem umræður fara fram um þjálfun og markmið félagsins, þar er ykkar vettvangur.

• Mundu að það er barnið þitt sem er þátttakandi í íþróttum – ekki þú. Standið saman um fjáraflanir og félagsstarf þegar það á við.

• Leggið ykkar af mörkum til að íþróttaiðkun barna ykkar verði eins öflugt forvarnarstarf og mögulegt er.

Hafðu ávallt hugfast að:

• Barnið þitt er í íþróttum á eigin forsendum.

• Hvetja barnið þitt til þátttöku í íþróttum.

• Það er þitt hlutverk að hvetja barnið þitt til að fara eftir og virða reglur íþróttanna og félagsins.

• Þú ert fyrirmynd í því að taka ósigri af æðruleysi og sigri án hroka.

• Virða störf þjálfarans, ekki reyna að hafa áhrif á störf hans.

• Líta á dómarann sem leiðbeinanda iðkandans og virða ákvarðanir hans.

• Styðja og hvetja öll börn og ungmenni – ekki bara þín eigin.

• Vera jákvæður í meðbyr jafnt sem í mótbyr.

• Gera aldrei grín að barni eða hrópa að því ef það gerir mistök.

• Meta þátttöku sjálfboðaliða og starfsmanna félagsins sem leggja grunn að starfseminni.

• Spyrja barnið hvort keppnin eða æfingin hafi verið skemmtileg en ekki eingöngu um úrslit.