Farþjálfarinn
Farþjálfarinn er verkefni sem ætlað er íþróttafélögum og svæðum sem vilja fá til sín þjálfara með þekkingu á ákveðnum íþróttagreinum, sem og þjálfurum sem veita farþjálfun. Markmiðið er að kynna viðkomandi íþróttagrein fyrir núverandi og nýjum iðkendum, auka fjölbreytni íþróttagreina og styðja við áframhaldandi og öflugt íþróttastarf. Þjálfunin getur verið í formi styttri námskeiða, t.d. helgarnámskeiða, eða fastrar þjálfunar einu sinni í viku. Fyrirkomulagið er samkomulagsatriði milli þjálfara og félags.
Viltu vera á skrá fyrir farþjálfara?
Þjálfarar sem vilja bjóða upp á farþjálfun skrá sig hér eða hafa samband við svæðisfulltrúa.
Ósk um farþjálfara
Íþróttafélög sem óska eftir farþjálfara fylla út formið hér eða hafa samband við svæðisfulltrúa.
Frekari upplýsingar
Fyrir frekari upplýsingar er hægt að hafa samband við Hansínu Þóru Gunnarsdóttur, sérfræðing hjá ÍSÍ (hansina@isi.is), eða Svæðisfulltrúa íþróttahéraða.
