ÍSÍ og UMFÍ

SAMSTARFS-VERKEFNI

ÍSÍ og UMFÍ hafa í gegnum tíðina unnið saman að fjölmörgum verkefnum sem hafa styrkt og eflt íþrótta- og ungmennafélagsstarf um land allt. Á þessari síðu er að finna upplýsingar um helstu sameiginlegu verkefni sambandanna.

VERKEFNI

SÁLRÆN OG FÉLAGSLEG FÆRNI

Verkefnið býður upp á verkfæri fyrir þjálfara, m.a fræðsluefni, greinar, dæmi úr starfi  með æfingum og leiðum til að vinna markvisst með þætti eins og áhuga, markmiðasetningu, félagsfærni, sjálfstraust, leiðtogahæfni og einbeitingu í daglegri þjálfun.

VERKEFNI

SÁLFRÆÐILEG FÆRNIÞJÁLFUN

5C er færniþjálfun í íþróttum sem miðar að því að efla hugarfar, félagslega færni og líkamlega þjálfun. Hún byggir á rannsóknum og er notuð til að styðja iðkendur, þjálfara og foreldra í að takast á við kröfur íþrótta og daglegs lífs.



VERKEFNI

KONUR Í ÍÞRÓTTUM

Alþjóðlegur baráttudagur kvenna er haldinn 8. mars ár hver. Í tilefni dagsins hafa ÍSÍ og UMFÍ staðið fyrir viðburðum síðustu þrjú ár til þess að lyfta upp konum á öllum aldri innan íþrótta- og ungmennafélagshreyfingarinnar.



VERKEFNI

STEFNUMÓTUN

Vinna er hafin við heildstæða stefnumótun fyrir íþróttahreyfinguna á Íslandi, þar sem lögð er áhersla á sameiginlega sýn, skýra forgangsröðun og víðtækt samráð. Markmiðið er að styrkja hreyfinguna til framtíðar með virkri þátttöku úr öllum hennar röðum.

VERKEFNI

RADDIR UNGS FÓLKS

Raddir ungs fólks er samtal um þátttöku í samfélaginu, upplifun í íþrótta- og æskulýðsstarfi og leiðir til framtíðar við forystufólk sveitarfélaga og íþróttahreyfingarinnar. Fundirnir eru samstarfsverkefni ÍSÍ, UMFÍ, Svæðisstöðva íþróttahéraða og Ungmennaráðs UMFÍ.